“Шинжлэх ухаан, технологийн шилдэг бүтээл шалгаруулах 2IP-2023” арга хэмжээнд оролцохыг урьж байна

“Шинжлэх ухааны ажилтны өдөр”-ийг жил бүрийн 11 дүгээр сарын сүүлийн 7 хоногт тэмдэглэн өнгөрүүлэх тухай Монгол улсын Засгийн газрын тогтоолын хүрээнд эрдэм шинжилгээ, судалгааны ажилд өөрийн мэдлэг оюунаа дайчлан ажиллаж байгаа багш, эрдэмтэн судлаачид, шинжлэх ухааны ажилтнуудынхаа тухайн жилд хийж хэрэгжүүлсэн үйл ажиллагааг түгээн дэлгэрүүлэх ажлыг зохион байгуулдаг уламжлалтай.

Дээрхи арга хэмжээний хүрээнд Шинжлэх ухаан, технологийн их сургуулийн багш, судлаачдын “Шинжлэх ухаан, технологийн шилдэг бүтээл шалгаруулах 2IP-2023” арга хэмжээг Эрдэм шинжилгээ, технологийн газраас зохион байгуулж байна.

Багш, судлаач та бүхэн арга хэмжээ зохион байгуулах тухай ШУТИС-ийн Захирлын тушаалаар батлагдсан удирдамжтай танилцаж өөрийн бүтээлээ “2IP 2023” уралдаанд ирүүлэхийг урьж байна.

1. Олон улсад хэвлүүлсэн эрдэм шинжилгээний өгүүлэл (Best Research Paper) -ээ нэр дэвшүүлэх маягт татах бол энд дарна уу.
2. Шилдэг санаа (Best Idea) эсвэл шилдэг оюуны өмч (Best Intellectual Property)- ийн төрөлд бүтээлээ нэр дэвшүүлэх маягт татах бол энд дарна уу.

Арга хэмжээтэй холбоотой мэдээлэл авах бол  research@must.edu.mn и-мэйл хаягаар хандана уу.

Зохион байгуулагч: Судалгаа хөгжүүлэлтийн алба

 Инновац, технологи дамжуулалтын төв