Уул уурхайн ашиглалтын технологи

Орчин үеийн уул уурхайн үйлдвэрлэлийн технологийг хөтлөн явуулах мэргэжилтэнг бэлтгэхэд хөтөлбөрийн зорилго оршино.

Төгсөгч нь дараах мэдлэг эзэмшсэн байна. Үүнд:

• Ашигт малтмалын ордын үндэс,
• Чулуулаг эрдсийн зүйлийн шинж чанарын үндэс,
• Ашигт малтмал, түүнээс гарган авах эрдсийн бүтээгдэхүүний хэрэглээ,
• Уурхай, үйлдвэрлэлд тэсрэх бодис, тэсэлгээний хэрэгслийг хэрэглэх, тэсэлгээний процессыг явуулах технологи ба түүний аюулгүйн нөхцөлийг хэрэгжүүлэх онол, арга зүй,
• Уурхайд өрөмдлөг явуулах технологи түүний аюулгүйн нөхцөлийг хангах онол, арга зүй,
• Уурхай дахь экскавацийн технологи, түүний аюулгүйн нөхцөлийг хангах онол, арга зүй,
• Уурхайн тээврийн процессыг явуулах ба түүний аюулгүйн нөхцөлийг хангах онол, арга зүй,
• Уурхайн чулуулгийн овоолго, ашигт малтмалын агуулахын процесс ба түүний аюулгүйн нөхцөлийг хангах онол, арга зүй,
• Уурхайн механик болон цахилгаан тоног төхөөрөмжийг ажиллуулах, засвар үйлчилгээ хийх онол, арга зүй,
• Уурхайн ус таталт, агааржуулалтын онол, арга зүй,
• Үйлдвэрлэлийн аюулгүйн ажиллагаа эрүүл ахуйн үндэс,
• Ашигт малтмалын баяжуулалтын үндэс,
• Уул уурхайн эдийн засаг, менежментийн үндэс,
• Шинэ, хэмнэлттэй, хаягдалгүй дэвшилттэй технологийн чиг хандлага, үнэлгээ, шалгуурыг томьёолох арга зүй,
• Ил, далд уурхайн ашиглалтын технологийн онол, арга зүй,
• Уулын ажлыг төлөвлөх, гүйцэтгэлийг хангах, хянах систем, оновчлол загварчлалын элементүүд

Төгсөгч нь дараах чадвар эзэмшсэн байна. Үүнд:

• Ил, далд уурхайн үйлдвэрлэлийн үндсэн процессуудыг хөтлөн удирдах,
• Уурхайн туслах процессуудыг зохион байгуулах,
• Ил, далд уурхайн үйлдвэрлэлийн процессуудын технологийг боловсруулах,
• Уулын ажлын урт, дунд ба богино хугацааны төлөвлөлт, төслийн тооцоо хийх,
• Уурхайн технологи түүний бүрдэл хэсгүүдийн холбогдолтой судалгаа, шинжилгээний ажилд оролцох,
• Уул уурхайн төсөл, уулын ажлын төлөвлөгөө, уурхайн ажлын тайлан боловсруулах.

Уул уурхайн ашиглалтын технологи /хамтарсан/

Уурхайн геотехник

Уул уурхайн үйлдвэрлэлийн үйл ажиллагааг хянах, хөтлөн явуулах, манлайлах, гарч болзошгүй эрсдэлээс сэргийлэх, хамгаалах болон эрсдэлгүй ба аюулгүй ашиглах үйл ажиллагааг хэрэгжүүлэх, уул уурхайн геотехникийн асуудал шийдэх судалгаа хийх чадвартай нарийн мэргэжлийн инженерийг бакалаврын болон ахисан түвшинд бэлтгэхэд хөтөлбөрийн зорилго оршино.

Төгсөгч нь дараах мэдлэг, чадварыг эзэмшсэн байна. Үүнд:

• Хөрс ба чулуулгийн механикийн суурь тулгуурлан өгөгдлийг сан бүрдүүлэх, боловсруулах
• Геомеханикийн суурь мэдлэгт тулгуурлан уурхайн даралтыг тооцоолох
• Хэмжилт, туршилт, тооцоолол хийж дүгнэх
• Чулуулгийн шинж чанарыг таних
• Структур геологийн мэдлэгт тулгуурлан, геотехникийн өгөгдлийн сан бүрдүүлэх
• Уурхайн гидрогеологийн нөхцөлийг тодорхойлж, уурхайн тогтворжилтод нөлөөлөх хүчин зүйлийг тодорхойлох
• Уурхайн өдөр тутмын үйл ажиллагааг удирдах, зохион байгуулах
• Тоон системийн загвар гаргах
• Геотехникийн төсөл зохиомж, загвар гаргах
• Уурхайн төлөвлөлт, төсөл зохиомжийг геотехникийн нөхцөлтэй уялдуулан  гаргах
• Уурхайг аюулгүй ба эрсдэлгүй ашиглах

Уул уурхайн маркшейдер

Олон улсын стандартын түвшинд уул уурхайн маркшейдерийн үйлчилгээний технологийн суурь болон мэргэжүүлэх мэдлэгийг төгсөгчдөд эзэмшүүлсний үндсэн дээр төгсөгч нь уул уурхайн олборлох үйлдвэрлэлийн бүх салбарт маркшейдер болон удирдах албан тушаалд ажиллах бэлтгэлтэй болно.

Төгсөгч нь дараах мэдлэгийг эзэмшсэн байна. Үүнд:

• Ил далд уурхай, шороон ордын уурхай, гидравлик аргаар ашиглалт явуулах уурхайн маркшейдерийн ажлын онолын үндэс
• Уулын ажлыг төлөвлөх, малталтын чиглэл өгөх, нөөц тооцоолох аргуудын онолын үндэс
• Квалиметрийн судалгаа хийж ордын геометр зүй тогтлыг тогтоох, геодинамикийн судалгаа хийх аргазүй
• Газрын хэвлийн геометрийн онолын үндэс
• Уул уурхайн салбарын бизнесийн удирдахуйн ухаан, менежментийн үндсэн ойлголтууд, салбарын удирдлага зохион байгуулалт

Төгсөгч нь дараах чадвар эзэмшсэн байна. Үүнд:

• Бүх төрлийн маркшейдерийн ажлын зураглал үйлдэх, түүнд боловсруулалт хийх
• Орчин үеийн дэвшилтэт маркшейдерийн багаж дээр ажиллах, уулын ажлын төлөвлөлтөд тооцоолон бодох программыг ашиглах, малталтуудын уулзалтын тооцоо хийх, нөөцийн шилжилт хөдөлгөөн, хаягдал, бохирдолтыг тооцох, малталтын нэвтрэлтэд чиглэл өгөх судалгааны ажлыг бие даан гүйцэтгэх
• Уулын ажлын төлөвлөлт хийх түүний биелэлтэд хяналт тавих
• Уурхайн барилгын маркшейдерийн ажил гүйцэтгэх
• Уулын чулуулгийн шилжилт хөдөлгөөнд судалгаа хийх
• Тооцоолон бодох, график зураг үйлдэх, программ хангамжийг ашиглах

Уурхайн менежмент

Уул уурхайн үйлдвэрүүдийн бизнесийн орчинд нөлөөлөх хүчин зүйлсийг танин мэдэж, үр дүнг тооцоолох, үйлдвэрлэлийн стратеги боловсруулж, бодлого, төлөвлөлтийг мэргэжлийн түвшинд төлөвлөх чадвартай, орчин үеийн дэвшилтэт техник, технологийг судалж хэрэгжүүлэх, уул уурхайн компанийн хөгжлийг хангахуйц ашиглалтын болон  боловсруулалтын шинэ системийн төсөл хөтөлбөр боловсруулж, үйлдвэрлэлд нэвтрүүлэх үр өгөөжийг тодорхойлох чадвартай мэргэжилтэн болно.

Төгсөгч нь дараах мэдлэгийг эзэмшсэн байна.

• Уулын үйлдвэрлэлийн системийн уялдаа холбоо, тэдгээрийн харилцан хамаарлыг таньж мэдэх
• Уулын баяжуулах үйлдвэрийн хүчин чадлыг төлөвлөж, технологийн аргуудыг харьцуулах
• Үйлдвэрлэлийн процессын дараалал тогтоож, хөдөлмөр зохион байгуулалтыг оновчлох
• Уурхайн байршлын төлөвлөлт хийж, үйлдвэрлэлийн хүчин чадлыг тодорхойлох
• Уурхайн үйлдвэрлэлийн зардал, үр ашгийг тодорхойлж, дүгнэлт гаргах

Төгсөгч нь дараах ур чадварыг эзэмшсэн байна.

• Уул уурхайн үйлдвэрийн эдийн засагт нөлөөлөх хүчин зүйлсийг тодорхойлж, өрсөлдөх чадварыг үнэлэх
• Уурхайн хөрөнгө оруулалтын хувилбаруудыг боловсруулж, оновчтой хувилбарыг сонгох
• Үйлдвэрийн газрын төлөвлөлтийг боловсруулж, үйл ажиллагааны зохион байгуулалтыг бүтцийг хийх
• Уурхайн экологи, хаалтын менежментийг төлөвлөлтийг боловсруулах